Tip:
Highlight text to annotate it
X
Hallo, totes. Io ha recipite multe e-mails e commentos a proposito de mi videos usque ora,
le majoritate multe positive e appoiante, alore gratias a totes pro illo.
Previsibilemente, alcun personas ha essite minus que amical. Alcunes me diceva que illes spera que io habe un morte horribile.
Io ha essite menaciate con tote typos de retribution violente, e unos me appellava con alcun nomines multo inventivemente repulsive,
proque naturalmente le imagination human es multo fertile, como nos constata in leger le scripturas.
Un typo esseva particularmente preoccupate con anos e penises pro alcun ration.
Io pensa que ille ha alcun sentimento pro Jesus.
Mais alcun personas mesmo vadeva al puncto de appellar me antiamerican, lo que debe esser le cosa plus stupide que io jammais ha audite.
De facto, io retira illo. Designo intelligente es le cosa le plus stupide que io jammais ha audite,
mais illo se approxima multo.
No, io non es antiamerican. Lo que io es es antistupiditate, antiignorantia e antiintolerantia,
e io suppone que illo poterea esser considerate antiamerican si tu es un intolerante ignorante e stupide,
mais io pensa que le majoritate del personas intelligente lo viderea como multo pro-american.
Io pensa que es un vergonia que le Statos Unite, como le Grande Britannia, es governate per criminales,
mais il non ha multo que nos pote facer a proposito de illo, proque nos vive in un democratia.
Que tu va facer? Votar? Si, certo. Bon fortuna a te.
No, io es multo plus anxie super le relation del Statos Unite con Deo, proque illo non es de facto basate super alcun cosa real,
mais su consequentias es extrememente real pro totes in le planeta, includente me.
Alora excusa me si io es un pauc insistente super isto, mais io simplemente non pensa que alcun persona qui expecta le vita post le morte
es qualificate pro governar alcun pais. E justo ora, in le Statos Unite de Jesus,
es plus facile que un camelo passa per le foramine de un agulia que un atheo sia eligite presidente.
Le populo american ha facite clar que illes vole un presidente christian renascite
mesmo si illo significa [putting a 10 gallon hat on a half pint head].
Proque in le terra del libertate, in le seculo 21, si tu non crede que Jesus Christo se levava del mortos
e ascendeva physicamente al Celos, e que nos totes va unir nos a ille la
justo in le momento que nos arrangia le fin del mundo,
alora, mi amico, tu non es apte pro un carga public.
E il es pro isto que ora il ha studios biblic quotidian in le Casa Blanc e in le Pentagono
proque tote illes es expertos in le Biblia in ille duo locos.
Illes sape toto super qui generava qui, e qui colpava qui, e qui parlava a qui,
mais illes non es multo secur ubi es Italia.
Mais probabilemente io ha torto de esser anxie super tote isto, o super le facto que 45 per cento del electores republican
se appella christianos evangelic renascite, e illes non lo intende como un insulto.
O que le President Bush Senior dice que ille non pensa que le atheos deberea esser considerate citatanos.
O que tante personas in le pais plus avantiate del mundo non vole que le evolution sia inseniate in le scholas
proque illes crede que le Terra esseva formate 6000 annos retro
pauco post le invention del rota.
Illo esseva un mundo ubi personas e dinosauros viveva insimul, apparentemente, justo como in le Flintstones.
E isto es appropriate, proque, pro me, le Statos Unite es como un dinosauro,
um animal massive e potente con un cerebro minuscule.
Mi pais, le Grande Britannia, es como un animal multo minor, mais con un cerebro que es equalmente minuscule.
Ille duo cosas poterea rolar insimul como duo pisos in un situla e tu non poterea distinguer los.
Alora, si io es antiamerican, io es equalmente antibritannic, proque io es antistupiditate.
E si, illo includerea qualcunque persona qui crede que le Statos Unite es un sol nation sub Deo,
plus que illo esseva ante que le Juramento de Fidelitate esseva sequestrate per zelotes christian.
O que "A Deo nos nos fide" es alcun typo de motto national american
plus que illo esseva ante que le moneta esseva sequestrate per zelotes christian.
Le veritate es que le Statos Unite non es un nation sub Deo del toto; illo es un nation sub un incantamento.
Es solo un question de tempore ante que iste personas comencia a exiger que le cruce sia exhibite in le bandiera american.
Tu pensa que io face burla, mais tu sape que non.
Ora, le ironia real aqui naturalmente es que, si Jesus Christo esseva le presidente american, que mundo differente isto esserea.
Mais naturalmente illo es solo un sonio impossibile, proque Jesus non esserea jammais eligite presidente.
Quante christianos del ala dextere va votar pro un judeo liberal?
Tu ha plus chance de tirar sanguine de un *** de Jehovah.
Ille es del Oriente Medie e ille pare un maledicte hippie. Le rete Fox le crucificarea,
si ille non haberea ja essite arrestate como un terrorista.
No, io pensa que justo ora le Statos Unite probabilemente es excessivemente christian pro Jesus.
Mais io es optimista que isto va cambiar, proque io ama le Statos Unite e toto que illo representa.
Ben, toto que illo originalmente representava ante que illo esseva sequestrate per zelotes christian.
E io sape que si totes in iste planeta sequeva le principios del constitution american
isto esserea un mundo multo plus civilizate que quanto illo es.
Justo ora, illo es un mundo de chaos, suffocante sub le nube venenose del dogma religiose.
In qualcunque parte que tu reguarda, del subcontinente indian al Oriente Medie a Africa
al futur republica islamic de Europa, tu sape in tu corde
que si le Statos Unite non va diriger nos a foras del Etate del Tenebras, necuno va.
E il es pro illo que tu non trovara alcuno in iste planeta qui es plus proamerican que io.
Multe gratias, e pace, specialmente al americanos.