Tip:
Highlight text to annotate it
X
Gota a gota somos mar Dreitos humanos, resolución, paz.
PRESOS Y PRESAS VASCAS T’O PAÍS VASCO
O venient 11 de chinero, as carreras de Bilbau acullirán a mayor movilización ciudadana
d'a historia recient d'o País Vasco. Ixe día, decenas de millars de personas saldrán
t’a carrera ta pedir a repatriación d'os presos y presas politicas vascas.
Fa 25 anyos, os gubiernos espanyol y francés decidioron d’enzarrar-las en prisions muit aleixadas
d'o País Vasco, ta isolar-las d'o suyo entorno social y castigar a las suyas familias con larguismos
viaches. A día de hue, i hai 527 presos y presas dispersadas en 73 garcholas d'Espanya y Francia,
y cada familia be de fer una media de 1.500 kilometros ta visitas de 40 minutos. En
istos anyos, 16 familiars han muerto en accident de trafico quan se dirichiban a veyer a os suyos
seres querius, y cients han resultau ferius.
As institucions vascas han pediu en repetidas ocasions a fin d'a dispersión, y as
enqüestas indican que mas d'o 75% d'a población comparte ixa demanda. En os zaguers anyos
ha habiu manifestacions multitudinarias y mils d'actos de protesta, pero Madrit
y París disprecian a la sociedat vasca y siguen vulnerando os dreitos humanos d'as
presas y os suyos familiars.
ETA decretó un alto o fuego definitivo en noviembre de 2011, y os estaus han optau
por boicotiar o proceso de paz, de traza que a situación en as garcholas ye cada
vegada pior. Mesmo, o Gubierno espanyol se negaba a liberar a qui ya heban compliu
a suya condena, o que motivó a intervención d'o Tribunal Europeu de Dreitos Humanos,
que ordinó recientment a mesa en libertat de mas de 60 presos y presas que levaban
20, 25 y dica 30 anyos enzarradas.
Hue en día, siguen mantenendo en prisión a personas d'abanzada edat, con grieus malotías,
en situacions d'isolamiento y maltracto. ellas i hai militants d'ETA, asinas como
periodistas, miembros de sindicatos, organizacions politicas y chovenils, activistas por os
dreitos d'os presos... O lider independentista Arnaldo Otegi y atros dirichents levan mas
de quatro anyos en a garchola por empentar o proceso que ha levau a l'alto o fuego
definitivo y unilateral por parte d'ETA.
A sociedat vasca quiere solucions, deixar dezaga o sufrimiento y que a paz s'asiente
definitivament. Manimenos, os estaus espanyol y francés han optau por fer servir
a politica penitenciaria como obstaclo, ta mantener o conflicto en a situación
anterior y incidir en as vulneracions de dreitos humanos.
Debant d'ista situación, a ciudadanía ye adoptando compromisos masivos en favor d'o
proceso de paz, pero a respuesta d'o gubierno espanyol ha estau una vegada mas violenta: en
setiembre de 2013 ilegalizoron o movimiento civil Herrira, promotor d'as zagueras protestas
por os dreitos d'os presos, y detenioron a 18 d'os suyos miembros.
En iste contexto, a movilización de l'11 de chinero de 2014 se preveye historica, a
mas gran d'os zaguers decenios. O formato va a estar novedoso, ya que cada participant
acudirá ta Bilbau con una gota, y entre totz y todas construiremos un mar chigant, como
simbolo d'a determinación y a fuerza sociedat que quiere rematar con o
conflicto. Ta ixo, veyemos imprescindible reconoixer y reparar a todas as victimas,
y propiciar a tornada ta casa de todas as personas presas y exiliadas.
Pedimos a os gubiernos espanyol y francés que den una oportunidat a la paz en o País
Vasco, y a la comunidat internacional que nos aduye a empentar o proceso de resolución
d'o conflicto. Somos un pueblo chicot que quiere deixar de sufrir. Y amenistamos o vuestro
emparo y solidaridat.
Datz una oportunidat a la paz en o País Vasco Dreitos humanos, resolución, paz.
PRESOS Y PRESAS VASCAS T’O PAÍS VASCO.