Tip:
Highlight text to annotate it
X
L'Esperanto es una lenga dab un movement ric e divèrs.
L'Esperanto a tostemps despendut deus sons locutors e deus sons sostenaires.
Gràcias a aquestes, un movement se creè,
qui, desempuish l'aparicion de la lenga, agís per la democracia lingüistica entre los pòbles.
essenciau per la susvita e lo succès relatiu de l'Esperanto,
estó la atau aperada "idèa intèrna de l'Esperanto",
qui Zamenhof, l'iniciator de la lenga, descrivèva atau :
"Sus lo fondament d'una lenga neutra aclapar las parets entre las raças
e acostumar lo monde de véser en l'aute
sonque un òme e un fraire.
Shens aquesta "idèa intèrna", l'Esperanto n'auré probablament pas podut atirar milions d'òmes
dab l'enveja de contactes internacionaus e de patz entre los òmes.
Son eths, aquestes internacionalistas qui creèn e encara creen lo movement esperanto.
Dins lo movement esperanto se troban uns simbèus coneguts :
"L'estela verda"
Lo atau aperat "Simbèu deu Jubilèu"
Lo drapèth
e
l'imne
Dins lo movement esperanto se troban adara fòrça organizacions,
qui agissen per e dab l'Esperanto :
UEA - Associacion Universau d'Esperanto
es l'organizacion internacionau màger per los esperantofònas
e a sòcis en 117 païses.
La soa seccion de joentut, TEJO - Oragnizacion Esperantista de Joentut Mondiau
es una organizacion per los joens esperantofònas.
Las duas organizan cada annada lors congresses pròpris en un lòc deu monde,
tostemps en un endreit navèth on venguen monde de divèrses païses.
Organizacions d'Esperanto se poden encontrar en haut o baish 70 païses
e per professions, concepcions deu monde o passatemps
se poden trobar associacions d'Esperanto especializadas,
com per exemple : Esperanto@Interreto,
qui a haut o baish 15.000 sòcis e qui se concentra sus projèctes aplicats a internèt.
D'autas organizacions importantas son :
l'Acadèmia d'Esperanto
La Liga Internacionau deus Ensenhaires Esperantistas
l'Union Europenca d'Esperanto
l'Acadèmia Internacionau de las Sciéncias
Se poden trobar tanben entrepresas, principaument d'edicion o de torisme
Lo movement a l'entorn de la "Lenga Internacionau"
es dubèrt a las idèas mei divèrsas.
Solide, ne cau pas estar sòci d'una organizacion s'òm vòu pas.
Fòrça esperantitas tot simplament gausissen de la lenga
e demoran en contacte dab amics de divèrs païses,
shens estar actiu dins lo movement esperanto.
Fòrça autes tribalhan per afortir lo movement.
Tots los qui aprenguen l'Esperanto decidissen com l'utilizar.
Atau cadun se sentís liure
dins la comunitat internacionau de la "Lenga Internacionau".